Thoes
Jan Nomden oet tied kommen


Kört veur t verschienen van Kreuze 88 kwam bie ons t bericht binnen dat op 1 dezember van dit joar schriever Jan Nomden oet tied kommen is.
Jan Nomden is in 1948 geboren in Wieringermeer, as zeun van ollu oet Winschoot en Ol Pekel. Zai haren hom nait mit t Grunnegs grootbrocht, woardeur hai docht in t Nederlands. t Schrieven in t Grunnegs ging hom ook makkelker òf as t proaten.
Jan schreef al 30 jaar verhoalen dij o.m. in Krödde en Toal en Taiken publiceerd binnen. Ook in Kreuze binnen verhoalen van hom verschenen. Over zien verhoalen zee hai zulf dat ze 'nait traditioneel' wazzen: 't Wordt nooit wat je verwachten zollen. Sums liekt n verhoal verzonnen, mor is t toch echt gebeurd. Aanderzieds betaikent t nait altied dat ik t zulf mitmoakt heb. Ik bin nait altied ik.' In 2016 verscheen van Jan de verhoalenbundel Old en Nij as 43e begunstegersbouk van Stichting t Grunneger bouk.
In zien waarkzoame leven was Jan Nomden schoulmeester, woarvan 36 joar aan De Tichel in Oostwold (Oldambt). Noast de gewone lezzen gaf hai wekelks n uurtje Grunneger les aan de kinder van de groepen 7 en 8.
Jan Nomden is 72 joar worden. Wie wìnsen zien vraauw, kinder en klaainkinder veul staarkte mit t verlais.

In herinnern aan Jan ploatsen wie hieronder nog moal zien verhoal Ol en Nij oet Kreuze 64 van jannewoarie 2017.


De redaksie